АЛМАТЫ ОБЛЫСЫ, ҚАРАСАЙ АУДАНЫНДАҒЫ «ЕРКІНАЙ ТӘТТІЛЕРІ» КОНДИТЕРЛІК ӨНІМДЕР ӨНДІРІСІНЕ «QMDB HALAL» КУӘЛІГІ ТАБЫСТАЛДЫ

Алматы облысы, Қарасай ауданында орналасқан «Еркінай тәттілері» кондитерлік өнімдер өндірісіне «QMDB HALAL» куәлігі табысталды.

Кәсіпорынның халал талаптарына сәйкестігін бағалау және өндірістік үдерістерге тексеру жұмыстарын ҚМДБ «Халал Даму» мамандары жүргізді. Сараптау барысында өндірісте қолданылатын шикізат, технологиялық үдерістер, сақтау және дайын өнімді өткізу талаптарының халал стандартына сәйкестігі жан-жақты зерделенді.

Тексеру қорытындысы бойынша кәсіпорынға «QMDB HALAL» куәлігі табысталып, ұжымға тұтынушыларға сапалы әрі адал өнім ұсыну жолындағы қызметтеріне табыс пен береке тілінді.

АҚТӨБЕ ОБЛЫСЫНДА «БАЛҒЫН ЕТ» ДҮКЕНІНЕ «QMDB HALAL» КУӘЛІГІ ТАБЫСТАЛДЫ

Ақтөбе облысында орналасқан «Балғын ет» дүкеніне «QMDB HALAL» куәлігі табысталды.

Кәсіпорынның өндірістік қызметі мен өнімдерінің халал талаптарына сәйкестігін бағалау және тексеру жұмыстарын ҚМДБ «Халал Даму» маманы Ақмаржан Ержанқызы жүргізді. Тексеру барысында кәсіпорынның өндіріс процесі, қолданылатын шикізат, сақтау және өткізу талаптары жан-жақты сараланып, халал стандартының талаптарына сәйкес екендігі расталды.

«QMDB HALAL» куәлігін салтанатты түрде Ақтөбе қаласының бас имамы Әли Алмат табыстап, кәсіп иелерін құттықтады. Сонымен қатар, адал әрі сапалы өнім ұсыну жолындағы еңбектеріне сәттілік тілеп, халыққа сенімді әрі халал өнім жеткізу ісіне табыс тіледі.

ҚМДБ «Халал Даму» мекемесі алдағы уақытта да өңір кәсіпорындарымен бірлесіп, халал индустриясын дамыту және тұтынушылардың сенімін арттыру бағытындағы жұмыстарды жүйелі түрде жалғастырады.

МАҢҒЫСТАУ ОБЛЫСЫНДАҒЫ СҮТ ЗАУЫТТАРЫНЫҢ «QMDB HALAL» КУӘЛІКТЕРІ ЖАҢАРТЫЛДЫ

ҚМДБ «Халал Даму» мекемесінің «QMDB HALAL» стандарты бойынша Маңғыстау облысындағы бірқатар сүт өнімдерін өндіретін кәсіпорындардың халал куәліктері қайта жаңартылды.

Атап айтқанда, Ақтау қаласында орналасқан «Dekmy» сүт зауыты мен Бейнеу ауданындағы «Adil sut onimderi» сүт өнімдері өндірісі халал талаптарына сәйкестігін тағы бір мәрте растап, «QMDB HALAL» куәліктерінің қолданылу мерзімін ұзартты. Кәсіпорындардың өндірістік үдерістері, пайдаланылатын шикізаттары, санитарлық-гигиеналық талаптардың сақталуы және ішкі өндірістік бақылау жүйесі жан-жақты тексеріліп, халал стандарты талаптарына толық сәйкес келетіні анықталды.

«QMDB HALAL» куәлігінің қайта жаңартылуы – кәсіпорындардың өнім сапасына, қауіпсіздігіне және халал талаптарын тұрақты сақтауға деген жауапкершілігінің айқын көрінісі. Бұл өз кезегінде тұтынушылардың сенімін арттырып, өңірде халал өндірісінің дамуына оң ықпал етеді.

ШЫМКЕНТ ҚАЛАСЫНДАҒЫ ҚОҒАМДЫҚ ТАМАҚТАНУ ОРЫНДАРЫНА «QMDB HALAL» КУӘЛІГІ ТАБЫСТАЛДЫ

ҚМДБ «Халал Даму» мекемесінің Шымкент қаласы бойынша өкілдігі халал стандарты талаптарына сәйкес жүргізілген тексеру жұмыстарының қорытындысы бойынша бірқатар кәсіпорындарға «QMDB HALAL» куәлігін табыстады және қолданыстағы куәліктердің мерзімін жаңартты.

Атап айтқанда, «Донер на Абая» және «Бургер на Абая» қоғамдық тамақтану орындары алғаш рет «QMDB HALAL» куәлігіне ие болды.

Сонымен қатар, «Дони ЛтД» кәсіпорны халал талаптарына сәйкестігін қайта растап, «QMDB HALAL» куәлігінің мерзімін сәтті жаңартты.

ҚМДБ «Халал Даму» мекемесі халал талаптарының сақталуын тұрақты түрде бақылап, кәсіпорындардың өндірістік және қызмет көрсету үдерістерінің шариғат талаптары мен халал стандартына сәйкестігін қадағалауды жалғастырады.