Қарағандылық оқушы табиғаттан қуат алудың сырын біледі. Жаңа тәсілді ойлап тапқан Арман Қайратов робот құрастырыпты. Құлтемір жел генераторы шығаратын желден қуат алады. Оқушының есебі бойынша бұл жобаны толық жүзеге асыруға 2 млн теңге қажет. Айтуынша, роботты авто бөлшектерден құрастырып, кез келген жүк тасымалына қолдануға болады. Оқушы Арман құлтемірді құрастырып шығаруға 2 жыл уақыты кеткенін айтады. Қазір оның еңбегі ақталып отыр. Өйткені жасаған жұмысы балалар арасында өткен жобалар байқауында ең үздік деп танылды. Арман Қайратов, №3 мектеп оқушысы: - Менің жобамның мақсаты – робототехниканы модульдік құрастыру арқылы дәстүрлі емес қуат көзін алу. Осылайша менің жобамның мақсатына байланысты робототехниканың модульдерін құрастыра отырып, жел генераторын жасау, яғни менің жел генераторым ол қазіргі уақытта екі-ақ вольт береді. Менің жобамды жасауға түрткі болған – ол EXPO-2017 халықаралық көрмесі.