Қазақстан Республикасының байланыс және ақпарат агенттігінің баспасөз қызметі дүйсенбіде қазақстандықтардың ендігі жерде еліміздің кез келген түкпірінде төлқұжат немесе жеке бас куәлігін ала алатынын хабарлады. Төлқұжаты немесе жеке бас куәлігі жоғалған, мерзімі аяқталған, аты-жөнін ауыстырғысы келген, жыртылып, су немесе от тиіп жарамсыз болып қалған, т.б. жағдайда тіркелген жеріне жету үшін жолға уақытын шығындап, қаражатын шығарып, әуре болып жатпайды. Өзі тұрып жатқан елді-мекеннің «Халыққа қызмет көрсету орталығына» барып арыз жазса болғаны. Бұдан былай төлқұжатты немесе жеке бас куәлігін рәсімделген жерден тікелей алатын болады.