Қасиетті қос мешіт істері жөніндегі бас дирекциясы Пайғамбар мешітінде әйелдерге арналған Құран үйірмелерінің ашылғанын хабарлады. Бұл жайында islam.kz порталы өз кезегінде IQNA дерек көзіне жөн сілтеген IslamNews ақпарат көзіне сілтеме жасай отырып мәлім етеді. Мәдина қаласындағы Пайғамбар (ﷺ) мешітінде әйелдер қауымына қасиетті кітапты оқып-үйрену және жаттау сабақтары басталды. Бұрын Мединадағы әйелдер мұндай дәрістерге тек виртуалды түрде қатыса алатын. Қасиетті қос мешіт істері жөніндегі бас дирекцияның жетекшісі, шейх Әбдірахман ас-Судаистің айтуынша, департамент әйелдер арасындағы рухани-ағартушылық іс-шаралардың ауқымын кеңейту бағытында осындай қадамға барып отыр.