Елена Тихомирова есімді SM-Klink компаниясының диетологы Life басылымына берген сұхбатында адамның еттен толық бас тартуының салдары қандай болатынын жеткізді. Бұл жайында islam.kz порталы аталған ақпарат көзіне сілтеме жасай отырып мәлім етеді. Білікті маманның айтуынша, малдың да, құстың да еті дәрімендер мен қоректік заттарға бай. Дәлірегі, жануарлар мен құстар еті темірге бай келеді, сондай-ақ, олардың бауырында В12 дәруменінің мөлшері жоғары. Етті тұтынудан түбегейлі бас тартқан адамның организмінде алдымен темір тапшылығы пайда болып, артынан анемияға (қан аздық) ұрындырады, ал бұл жайт адамның ми мен бұлшық ет қызметін бұзады.