Автокөлік шанақтың бірегей рамалық құрылымымен ерекшеленеді, оның ортасында айналмалы капсула орналасқан. Бұл жайында islam.kz порталы hightech.fm ақпарат көзіне сілтеме жасай отырып мәлім етеді. Alef компаниясы әлемдегі бірегей eVTOL-тердің бірі - Alef's Model A FAA (Федералдық авиация әкімшілігі) үшін белгілі бір шектеумен арнайы ұшуға жарамдылық сертификатын алғанын жариялады. Құны 300 000 доллар тұратын бұл электромобилдің ұшу траекториясы өзгеше. «Мұндай көлік алғаш рет АҚШ үкіметінен ұшуға заңды рұқсат алды», - делінген компания мәлімдемесінде. Калифорниялық Alef Flying Car компаниясы ұша алатын толық электрмен жұмыс істейтін көлікке FAA-ның (АҚШ-тың азаматтық авиациясының федералды басқармасы) жартылай сертификатын алды. Оның қуат қоры - жерде 322 шақырымды құрайды, ал әуеде ұшу кезіндегісі - 177 шақырым. Автокөлік шанақтың бірегей рамалық құрылымымен ерекшеленеді, оның ортасында айналмалы капсула орналасқан. Жолаушылар осы тұста отыруы тиіс. Қауіпсіздік таратылған электр қозғалтқыш жүйесімен, компьютерлік ұшуды тұрақтандыру жүйесімен, барлық негізгі жүйелерді үш және сегіз есе артық резервтеумен, сырғанау жолына қону мүмкіндігімен және құтқару парашютімен қамтамасыз етіледі. Ұшудан кейін жеңіл рама корпусы жолаушылармен бірге капсуланың айналасында 90 градусқа айналады, ал машина бір деңгейде ұшуға өтеді. Бұл процесте автокөлік корпусының бүйірлері тиісінше жоғарғы және төменгі қанаттарға айналады.