Иранда хижаб кимеген студент қыздарды оқудан шығарып жатыр
Иранда хижаб кимеген студент қыздарды оқудан шығарып жатыр
10 ай бұрын 691 Материалды көшіріп басқан жағдайда islam.kz порталына сілтеме берілуі міндетті

Иранда кем дегенде 60 студент шариғат шәлсін тақпағы үшін оқудан шығарылған. Бұл жайында islam.kz порталы The Guardian ақпарат көзіне сілтеме жасай отырып мәлім етеді. Парсы елінде 1979 жылы ислам революциясынан кейін іле-шала қабылданған ережеге сәйкес кәмелет жасына толған әйел адам (жергілікті тұрғын болсын, шеттен келген мейман болсын) ел аумағында, дәлірегі, қоғамдық орындарда оранып жүруге міндетті. Бұл ереже талаптарын ескермегендерге дүйім жұрттың көзінше сөгіс жарияланады, айыппұл салынады және белгілі бір мерзімге бас бостандығынан айырылады. Иран университеттерінің студенттер кеңесінің өкілдері шариғат шәлісін тақпаған студент қыздардан кем дегенде 40-ы оқудан  шығып қалғанын мәлімдеді. Ал «Иранның құқық қорғаушылары» деп аталатын үкіметтік емес ұйым (HRAI) дерегі бойынша ең аз дегенде 64 студент қыз осындай себеппен оқудан шеттетілген және үшеуі оқудан шығарылған. Өткен жылы ел тарихында тұңғыш рет әйелдердің еркіндігіне қатысты аса ауқымды шеру өтті. Оған Мақсы Амина есімді 22 жастағы қыздың хижаб кимегені үшін полиция қолынан қаза тапқаны себеп болған еді. Билік өкілдерінің (полиция) асыр сілтеген әрекетіне наразы жұрт көшеге шығып, әйелдердің бүркену таңдауын өзіне қалдыруды талап еткен болатын. Ал 2023 жылы Иранның тәртіп сақшылары қоғамдық орындарда ашық-шашық жүретін әйелдерді анықтау үшін бейне бақылау камераларын пайдалануға көшкен болатын.

0 пікір
Мұрағат