АҚШ-та Virgin Galactic компаниясы SpaceShipTwo атты жаңа ғарыш кемесінің тұсауын кесті. Кеме ғарышқа барғысы келетін саяхатшыларға арналған. Бұрынғы құрылғы 2014 жылғы сынақ ретіндегі ұшудан кейін қайта жаңартылған. Бұл туралы russian.rt сайты жазды. Қазіргі құрылғы бұрынғысынан әлдеқайда қауіпсіз. Ғарыш кемесін басқару автоматтандырылған. Кеменің қозғалысын компьютер бақылайды. Жаңа кеменің сынақтан қашан өтері белгісіз. Бірақ оған дайындық осы жылдан басталатыны белгілі болды. Кеме 8 адамға шақтап жасалған. Оның екеуі экипаж мүшесі болмақ. Ғарыш кемесімен саяхат жасауға ниет білдіргендердің арасында Том Хэнкс пен Анджелина Джоли да бар. Ал бұл кеменің бортына мінгісі келетін туристердің саны 800-ден асады.