Саудияның тұңғыш әйел ғарышкері ғарыштың ашық кеңістігінен қасиетті Меккенің қалай көрінетінін таспаға тартып алыпты. Бұл жайында islam.kz порталы IslamNews ақпарат көзіне сілтеме жасай отырып мәлім етеді. Таспаға тартылған көріністен байқалғандай, қасиетті Мекке 400 шақырым биіктіктен көрінеді. Сәл шегініс: Әлі әл-Қарни мен Райана Барнауи соңғы 40 жылда Халықаралық ғарыш стансасына келген алғашқы саудиялықтар болды. Ғарышқа ұшқан алғашқы араб - Сауд Арабиясының ханзадасы Сұлтан бен Салман. Ол 1985 жылы ғарышқа ұшты. Әлі мен Райана қазіргі уақытта АҚШ-тағы Axiom Space компаниясының жеке миссиясын орындап жүр. Қасиетті Меккені ғарыштан таспаға тартып алған Райана Барнауи – биомедицина ғылымдарының магистрі.