Иранның Орталық Остан провинциясында тәртіп сақшылары сауда орталықтарының бірінде дүйім жұрттың көзінше сүйіктісіне сезімін білдірген жас жігітті ұстады. Ғашықтардың бұл көрінісін таспаға тартып алған куәгерлер әлеуметтік желіге жүктеген екен. Аталмыш провинцияның полиция басқармасы  жетекшісінің орынбасары Маһмұд Қалежі жас жігітпен қоса оның қалыңдығы да тұтқындалғанын жеткізді. Олардың тәртіп сақшыларының назарына ілігіп, тұтқындалуына ел көзінше бір-біріне сезімін білдіруі себеп болған, яғни, олардың бұл әрекеті Иран республикасының заңына қайшы. Артынан оларға түсіндіру жұмыстары жүргізіліп, бостандыққа шығарылды.