Қытай инвестициясы қысқа мерзімді перспективада пайдасын тигізер, алайда, болашақта ол Африка құрлығын жайлаған елдердің тәуелсіздігіне қатерлі. Бұл жайында бұрынғы француз отары болған елге, дәлірегі, Жибутиге сапарлай барған Франция президенті Эммануэль Макрон мәлімдеді. Оның айтуынша, Қытай соңғы уақытта әлемнің барлық түкпірінде өз ықпалын арттырып келеді, әсіресе, Африкада. Батыс елдерінің бұқаралық ақпарат құралдарында Қытай инвестициясының қауіптілігі жөнінде жиі айтылып жүр. Қарыз қақпанына түсіретін Қытай сол елдің стратегиялық маңызы зор нысандарына ие болып қалуды көздейді.