Түркия осы жылдың қаңтар айының өзінде 1 млн 643 мың долларға шай жапырақтарын экспорттаған екен. Бұл жайында islam.kz порталы Түркияның шығыс Қара теңіз аймағы экспорттаушыларының қауымдастығының (DKİB) дерегіне жөн сілтеген Anadolu ақпарат агенттігіне сілтеме жасай отырып мәлім етеді. DKİB келтірген мәлімет бойынша Түркиядан әлемнің 60 еліне 392 тонна шай жапырағы жеткізілген. Түркия шайының негізгі тұтынушылары: Бельгия, Германия және Израил. DKİB жетекшісінің орынбасары Хамды Гүрдоғанның айтуынша, аталмыш қауымдастық алдағы уақытта Түркияның әлемдік нарықтағы үлесін арттыра отырып, шай өнімдерінің сортын да көбейтуді көздеп отыр.