Моңғолияда қабылданған «Денсаулық сақтау туралы» заң талаптарына сәйкес көшеде және қоғамдық орындарда түкірген, сіңбірген адамға шамамен 2,5 доллар мөлшерінде айыппұл салынады. Бұл жайында  «flashsiberia.com» ақпарат көзі хабар таратты. Аталған елдің денсаулық сақтау министрлігінің өкілдері хабарлағандай, аталмыш заң талаптарының сақталуын тәртіп сақшылары, қоғам белсенділері қадағалайтын болады. Ел билігі мұндай қадамға осы жылдың шілде айында өтетін «Азия-Еуропа» 11-ші саммитіне байланысты барып отыр. Халықаралық маңызы зор аталған жиынға әлемнің елуден аса елінен делегаттар келеді.