Жапонияның әлемге әйгілі Toyota Motor Corp компаниясының құрастырған автокөліктер саны күллі әлем бойынша осы жылдың қыркүйек айында 300 млн-ға данаға жеткен. Бұл жайында islam.kz порталы nippon.com ақпарат көзіне сілтеме жасай отырып мәлім етеді. Бұл жетістікке аталмыш компания 88 жыл екі айдан кейін қол жеткізген. Яғни, осы мерзім аралығында 300 млн автокөлік құрастырған. Қыркүйек айының аяғында отандық өндіріс көлемі 180,52 млн дананы, шетелдік өнім – 119,6 млн дананы құраған. Ең көп өндірілген модел - Corolla, оның жалпы әлемдік өндірісі 53,39 миллион дана болды.