Үнді парламентінің жоғарғы палатасы үш мәрте талақ айтып, ажырасу тәжірибесін қылмыс ретінде танитын заң жобасын мақұлдады. Ендігі жерде аталған заң талабын бұзғандар қылмыстық жауапкершілікке тартылып, үш жылға дейін бас бостандығынан айырылады. Сөз орайы келгенде айта кету керек, талақ айтып, ажырасуға 2017 жылы тыйым салынған болатын. Алайда, аталмыш тыйымның заңмен бекітілгені осы - өткен аптада үнді парламентінің төменгі палатасы қабылдаған заң жобасын 99 депутат жақтап шыққан еді, 84 депутат наразылық білдірген болатын. Бұл тыйым ресми түрде ел президенті аталмыш заң жобасына қол қойғаннан кейін қолданысқа енеді.