Epicon — таяу жылдары Сауд Арабиясының солтүстік-батысында бой көтеретін футуристік кешені. Оның екі негізгі элементі екі көк тіреген зәулім ғимараттан тұрады. Бұл жайында islam.kz порталы Designboom ақпарат көзіне сілтеме жасай отырып мәлім етеді. Айрықша жоба – болашақтың қаласы. NEOM компаниясының өкілдері осылай деп отыр. Біреуінің биіктігі 275 метрге жоспарланса, екіншісі – 225 м. Зәулім ғимараттардың ішінде мейманхана мен жалға берілетін пәтерлер болады. Мұнара ғимараттардың жанында Қызыл теңізге құлдайтын Ақаба шығанағы жағалауында демалыс аймағы құрылады. Саудия экономикасын әртараптандыру, яғни, экономикасын мұнайға тәуелділіктен құтқару үшін ттүрлі әлеуметтік реформалар жүргізіп, бірегей жобаларға басымдық беруде.