Үндістанның Уттар-Прадеш штатындағы әсіребелсенді әрі ұрдажық радикалды тобы жуырда Агра қаласында 57 мұсылман отбасын ата-баба дініне кіргіздерін мәлімдеді. Ұлтшыл үнділерімен тығыз байланысқан олар Аграның ең кедей аудандарындағы лашықта тұратын тұрмысы төмен әрі діни сауаты жоқ 200 мұсылманның индус нанымын қабылдағанын да жеткізді. Күнкөрісі төмен мұсылмандар мен христиандарды ақшамен қызықтырып, үнді нанымын қабылдаттырғанымен қоймай, пұттардың аяғын жуу рәсімін орындататын көрінеді. Бұл жайында India Today ақпарат көзі хабар таратты. Радикалдар Рождествода тағы 5000 мұсылман мен христианды өз наным-сенімдеріне кіргізуді жоспарлап отырғандарын жеткізді.