Мысыр тұрғындары ел билігінің қасиетті Рамазан айында қоғамдық орындарда тамақтануға салған тыйымына наразылық танытуда. Аталған тыйым елдегі барлық дін өкілдеріне де қатысты. «Рамазан айында қоғамдық орындарда тамақтану – адамның өз еркі өзінде екенін көрсетуі емес, исламның құндылықтарына құрметсіздік белгісі. Көптің көзінше тамақтану да қоғамның талабы мен өнегесіне қайшы келеді»,- деп айтылған осы тыйым қарастырылған ережеде. Алайда, «Facebook» әлеуметтік желісінде ел билігінің бұл шешімімен келіспейтінін білдіргендер де болды. Олар дінде зорлық жоғын алға тартып, бұлай мәжбүрлеуге қарсы екендерін білдірген.