2025 жылдың соңына таман әлемдік сукук шығарылымы рекорд орнатып, 1 трлн доллардан асты. Сукук шығаруда Парсы шығанағы елдері басымдық танытқан. Бұл жайында islam.kz порталы өз кезегінде Fitch Ratings халықаралық рейтинг агенттігі келтірген дерекке жөн сілтеген Arabian Business ақпарат көзіне сілтеме жасай отырып мәлім етеді. Аталмыш агенттіктің Global Sukuk Market Monitor: 2026 есебінде хабарлағандай, жаһандық сукук шығарылымы рекордтық көрсеткішке жеткен - 2025 жылы 300 миллиард АҚШ долларынан асқан, бұл оның алдындағы (2024) жылмен салыстырғанда барлық валюталар бойынша 25 пайызға көп. Бұл нарықта GCC елдері (Парсы шығанағындағы араб елдері) эмитенттері елеулі үлес қосқан, сондай-ақ, банктердің, корпорациялардың, инфрақұрылымдық және жобалық қаржының өсіп келе жатқан белсенділігі бар, т.б. факторлар нарықтың ұлғаюына ықпал еткен. Fitch Ratings атап өткендей, GCC-нің әлемдік сукук нарығындағы үлесі 41 пайызға жеткен. Ал салыстыру үшін алсаұ, бұл көрсеткіш АСЕАН (оңтүстік-шығыс Азия аймағындағы мемлекеттер) нарығында 16 пайыз және Түркияда 8 пайыз. Сауд Арабиясы мен Біріккен Араб Әмірлігі әлемдегі ең ірі сукук нарықтарының бірі. Аталған екі араб еліндегі жетістікке қаржыландыру көздерін әртараптандыру, қайта қаржыландыруға қажеттілік тудыру және инфрақұрылымға тұрақты инвестициялар ықпал еткен. 2025 жылы Sukuk дамушы нарықтар әлеміндегі АҚШ долларындағы қарыздар шығарылымының жалпы мөлшерінің 16 пайызын құрады, Қытайды қоспағанда, бұл көрсеткіш 2024 жылғы 12 пайызбен салыстырғанда әжептәуір көп. Fitch Ratings әлемдегі рейтингтік сукуктардың 82,5 пайызының инвестициялық рейтингісі бар екенін, ал эмитенттердің 90 пайыздан астамын тұрақты болжауға келетінін атап өтті. Соңғы төрт жылда сукук бойынша дефолттар тіркелген емес. Sukuk, сондай-ақ, J.P. Morgan Emerging Market Bond Index облигацияларының жаһандық әртараптандырылған индексінің 6,6 пайызына ие.

Сукук - активтегі немесе жобадағы үлеске меншік құқығын растайтын, пайыздар есептелмей кірісті қамтамасыз ететін исламдық қаржы сертификаты.

Сукук облигациялардың (құнды қағаздардың) исламдық баламасын білдіреді, бірақ, құрылымы түбегейлі өзгеше: тіркелген пайыздық кірістің орнына инвесторлар нақты активтен немесе жобадан пайда үлесін алады, осылайша шариғаттағы өсімқорлыққа (riba) және алыпсатарлыққа (gharar) тыйым салынған  талапқа сәйкес келеді. «Сукук» термині «сертификат» немесе «құжат» деген мағынаны білдіретін араб тіліндегі «сакк» сөзінен алынған.