Ливан парламенті өлім жазасын өмір бойы бас бостандығынан айыру жазасымен алмастырып, тарихи заң жобасын қабылдады. Бұл жайында islam.kz порталы өз кезегінде аталған араб елінің ұлттық ресми агенттігіне жөн сілтеген South China Morning Post ақпарат көзіне сілтеме жасай отырып мәлім етеді. Ливан осылайша өлім жазасынан бас тартқан араб әлеміндегі алғашқы мемлекет ретінде тарихта қалатын болды. Ливанның әділет министрі Әділ Насыр бұл шешімді тарихи қадам ретінде бағалады. Өлім жазасына қарсы 128 депутат дауыс берген екен. Өзгертілген заңда көзделген талаптарға сәйкес заң күшіне енгенге дейін жасалған ауыр қылмыстар бойынша айыпкер өмір бойы қамауға алынады, ал күшіне енгеннен кейін жасалған қылмыстар NNA-ға сәйкес өмір бойы жазаға тартылады. Әлемге әйгілі әрі аса беделді Human Rights Watch халықаралық құқық қорғау ұйымы парламентті шілде айында осы заңды қабылдауға шақырып, 2004 жылдан бері жазаға ресми түрде мораторий жасалмағанына қарамастан, Ливан өлім жазасына кесудің ескі тәжірибесін ресми түрде тоқтатуы тиіс, деп мәлімдеген болатын. Ливанның Адам құқықтары жөніндегі ұлттық комиссиясы да өлім жазасын алып тастауға бірнеше рет шақырды. Маусым айында комиссия заң жобасының ілгерілеуін құптап, заң шығарушыларды өлім жазасын да, Ливан заңнамасынан ауыр еңбекті де алып тастауға шақырды.