NASA жетекшісі Билл Нелсон Сауд Арабиясының ғарыш агенттігінің ғарыштық болашақ орталығы ай миссиясына дайындалу бағытында және 2035 жылға қарай 2 триллион долларлық «жаһандық ғарыш экономикасын» құру үшін жұмыс істейтінін мәлімдеді. Бұл жайында islam.kz порталы өз кезегінде ArabNews ақпарат көзіне жөн сілтеген IslamNews сайтына сілтеме жасай отырып мәлім етеді. Осы аптада Ер-Риядқа сапары барысында Америка құрама штаттарының ғарыш агенттігінің басшысы Asharq телеарнасына берген сұхбатында ғарыш орталығының болашағы ғарыштық салаларды, коммерциялық компанияларды мемлекеттік бағдарламалармен біріктірумен байланысты екенін атап өтті. Сондай-ақ, ол Сауд Арабиясын меңзей отырып, NASA халықаралық серіктестердің көмегімен жарты ғасырдан кейін Айға қайта оралатынын түсіндірді.