Француздардың «Slate» басылымы кәрі құрлықты жайлаған елдерде кеңінен етек алған мұсылмандар мен асыл дініміз жайындағы жаңсақ ұғымға тойтарыс беретін мәлімет келтіріпті. Нақтырақ айтқанда, аталмыш басылым мұсылман елдеріне қарағанда мұсылман емес мемлекеттерде зорлық-зомбылық үш есе көп екенін анықтаған.  Саясаттанушы М. Стивен Фиш 1994-2007 жылдар аралығындағы қылмыстар статистикасына талдау жүргізіп, нәтижесін шығарған: мұсылман елдерінде 100 мың адамға шаққанда орташа есеппен 2,4 қасақана кісі өлімі келген. Ал батыс елдерінде бұл көрсеткіш 3 есе артық болып шыққан. Нақты мысал келтірсек, Индонезиядағы бір кісі өліміне АҚШ-та 7 кісі өлімі тең келген.