Ислам ынтымақтастық ұйымы хабарлағандай, ел жағалап отанынан қашқан босқындар санының өсуі толастар емес.

2013 жылы жалпы мұсылман босқындардың саны 12 693 075 болса, 2014 жылы бұл көрсеткіш 17 миллионнан асқан. Бұл өз кезегінде босқындардың саны 34 пайызға өскенін көрсетеді.

Қазіргі таңда ішкі қақтығыстар салдарынан халқы босқынға айналып бара жатқан 14 мемлекет бар. Олардың басым бөлігі Мьянма мен орталық Африка елдерінен. 

Сирия елінің өзінде босқындар саны 6,5 млн-ға жеткен. Иракта бұл көрсеткіш 2,53 млн. Ал, Нигерияда 1,2 млн босқын бар. Сомалида 1,1 млн босқын тіркелген.