Сауд Арабиясының әл-Қасым провинциясына қарасты әл-Бақария қаласындағы мектеп қабырғасында мұғалімдердің оқушыларға арабтардың ұлттық сусынына айналған кофе құю дәстүрі жаңғырды. Ұстаздар сабақ үстінде шәкірттерге тек кофе құйып қана қоймай, алдарына түрлі тәттілер қояды. Аталмыш дәстүр көрініс тапқан видео «Твиттер» әлеуметтік желісінде жарияланыпты. Ғаламтор пайдаланушылары білім ошағының әкімшілігін осынау дәстүрлі жаңғыртқанын қолдайтындарын білдіріп жатыр. Бұл дәстүр өз кезегінде емтиханға дайындалу үстіндегі оқушылардың бір сәт тынығуына жағдай жасайды.