Биіктен құлаған әйелді көшедегі жігіт тосып алмақшы болды (видео)

Интернетте қытайлық жас жігіттің 11-ші қабаттан құлаған әйелді құтқармақшы болған сәтінің видеосы жарияланды, - деп хабарлайды "TengrinewsTV". Видео бейнебақылау камерасына түсіп қалған.

Фэн Нин есімді жігіт жерге қарай құлап келе жатқан әйелді қолымен ұстап алмақшы болады. CCTV телеарнасының мәліметінше, көрші ғимараттан әйелдің айғайлаған дауысын естіген жігіт мейрамханадан жүгіріп шығып, ойланбастан әйелді құтқаруға асығады. Әйелдің асқан жылдамдықпен құлағаны соншалық, оны тосып алған жігіт те есеңгіреп қалды. Өкінішке қарай, әйелді құтқарып қалу мүмкін болмады. Фэн Нин есімді жігіт түрлі жарақатпен ауруханаға түсті.