Канаданың статистикалық басқармасының таяуда жариялаған есебінде келтірілген дерекке қарағанда, аталған елдегі мұсылмандарға қарсы қылмыс саны өткен 2021 жылы 71 пайызға артып кеткен. Бұл жайында islam.kz порталы islam.ru ақпарат көзіне сілтема жасай отырып мәлім етеді. 2020 жылы бұл бағыттағы көрсеткіш 84 болса, 2021 жылы мұсылмандарға қарсы 144 шабуыл жасалған. Алайда, Канададағы мұсылман қауымына қарсы  182 қылмыс орын алған 2019 жылдан бері шабуылдар саны едәуір азайған. Канаданың ұлттық мұсылмандар кеңесінің (NCCM) Твиттер әлеуметтік желісіндегі парақшасында айтылғандай, 2021 жылғы исламофобиялық қылмыс бұл деректен де көп екені айтылған.