Иран әлемдегі ең ірі газ өндіруші мемлекеттердің алғашқы үштік құрамында. Бүгінгі таңда парсылар елі жылына 252 млрд текше метр газ өндіреді әрі Ресей Федерациясы мен Америка құрама штаттарынан кейінгі орынға жайғасқан. Бұл жайында islam.kz порталы irna.ir ақпарат көзіне сілтеме жасай отырып мәлім етеді. Қазіргі уақытта Иранда елді-мекендер мен нысандарды газ құбыры желісімен қамту көрсеткіші 95 пайыздан асқан, ал әлемдегі екі ірі газ өндіретін екі державада - АҚШ пен Ресейде газ құбыры желісімен қамту деңгейі тиісінше 53 және 70 пайызды құрайды. Ең қызығы, Иран әлемдегі ең ұзын және күрделі газ құбырлары желілерінің біріне ие. Иран газ құбырларының ұзындығы Жер мен Ай арасындағы қашықтықтан 15% артық.