Ирак елінде тұратын христиан дінінің өкілдері мұсылмандарға қолдау білдіру мақсатында қасиетті Рамазан айының алғашқы аптасын ораза тұтумен өткізді. Олардың бұлай істеуіне халдо-католиктік шіркеу басшысы патриарх Луис Рафаэль І Саконың үндеуі себеп болғанға ұқсайды.

«Христиандар да бұл күндері ауыз бекітіп, Таяу Шығыс пен Иракта бейбітшілік болуын тілеп, дұға жасаулары тиіс. Ораза мен дұғаның әсері қаншалықты екенін христиандар жақсы біледі», - деген болатын ол.

Мұсылман қауымына терең құрметтерін танытқан халдо-католиктік шіркеу жамағаты бұнымен тоқталмай, босқындар үшін 50 мың доллар қаржы да жинап беріп отыр.