Индонезияның бұрынғы вице-президенті Жүсіп Қала елдегі әр он байдың тек біреуі ғана мұсылман екенін мәлімдеді. Бұл жайында islam.kz порталы CNN Indonesia ақпарат көзіне сілтеме жасай отырып мәлім етеді. Оның айтуынша, елдегі табысы төмен әр 100 тұрғынның 90%-ы мұсылман. Индонезияның экс вице-президеті осындай деректерді келтіре отырып, аталған ел билігін ұлт экономикасын дамытуда мұсылмандардың да мүддесі ескерілуі керектігін ескертті. Халық саны бойынша әлемде Қытай, Үндістан, АҚШ-тан кейінгі орында тұрған Индонезия (270 млн-ға жуық) халқының 90 пайыздан астамын бүгінде мұсылмандар құрап отыр.