Қытай билігі Синьцзян-Ұйғыр дербес ауданында "халал" белгісі соғылған тағамдар мен өнімдерді тұтынуға тыйым салуда. Басқаны қойып, мұсылманның ақ-адал асына қол сұққан Қытай билігінің асыра сілтеген бұл әрекеті де әлеуметтік желіде наразылық тудырып жатыр. Аталмыш ауданның прокуратурасы Wechat әлеуметтік желісінде шариғат талаптарына сай дайындалған тағам өнімдеріне тыйым салытаныны жөнінде хабарлапты. Үрімші қаласында Синьцзян-Ұйғыр ауданының коммунистік партиясы хатшысының жетекшілігімен "Халал" стандартты өнімдердің таралуымен нақты күрес" тақырыбында науқан қолға алынып жатыр. Қасиетті Құранды өртеп, мұсылмандарға шарап ішкізіп, доңыз етін жегізіп, арпалысқан қытай билігі осылайша шектен шығып отыр.