Нидерландының халық мол шоғырланған ірі қалаларында фастфудты тұтынуға тыйым салынуы мүмкін. Аталған ел осылайша семіздік індетімен күресіп көрмек. Бұл жайында islam.kz порталы nltimes.nl ақпарат көзіне сілтеме жасай отырып мәлім етеді. Тиісті хат денсаулық сақтау, әл-ауқат және спорт жөніндегі мемлекеттік хатшы Пол Блокхейске жөнелтілді. Үкімет тағам индустриясын қауіпсіз ету мақсатында «Қоршаған ортаны қорғау туралы заңға» түзету енгізеді. Амстердам университетінің доценті Анник де Рюйтердің айтуынша, ас-ауқатты адам өз талғамы мен тәбетіне қарай дербес таңдайтындықтан ел билігі бұған араласа алмайды, өйткені, бұл адамның қалауына қол сұғумен бірдей әрекет.