Мысыр парламентінің депутаттары зираттарды тонаудан әрі қорлаудан, сондай-ақ, мазарды сиқыр рәсімдерін орындайтын орынға айналдырудан, сондай-ақ, мәйіт саудасынан қорғайтын заң жобасын ұсынып отыр. Бұл жайында islam.kz порталы Masry-al-Youm ақпарат көзіне сілтеме жасай отырып мәлім етеді. Аталмыш заң жобасының авторы Мұхаммед Езат Арафат бұл бағытта бейіттерді  қорғаудың нақты шараларын қолға алуды ұсынып отыр, атап айтқанда, бейнебақылау камераларын орнату қажеттілігіне тоқталды. Пирамидалар елінде мұндай қадам соңғы жылдары бейіттегі жоғарыдағыдай адамшылыққа жат әрекеттердің жиі қайталануы себеп болып отыр. Аталмыш заң талаптарын бұзғандар (егер заң жобасы қабылданып, мақұлданса) жауапкершілікке тартылып, жаза тағайындалады.