Азаматтық соғыстан 162 мыңнан аса адам қаза тапқан

9 жыл бұрын 3465

Сириядағы үш жылға созылған азаматтық соғыстан 162 мың 402 адам ажал құшқан. Syrian Observatory for Human Rights құқыққорғау ұйымының келтірген статистикалық дерегі осындай.

Бұл есепте 19 мыңнан аса тұтқын, хабар-ошарсыз кеткендер және ұрланған немесе өзге де түрлі жағдайларға байланысты жоғалған адамдардың саны ескерілмеген.

Аталмыш ұйымның мәліметіне қарағанда, қарулы қақтығыстан опат болғандардың 80 мың 836-сы азаматтық тұлғалар, олардың 8 мың 607-ін балалар құрайды. Қаза тапқан әйелдер саны – 5 мың 586.