Бүкіл әлемдік банк тобына кіретін халықаралық қаржы корпорациясы Мароккодағы тоқыма бұйымдарын өңдеудің болашағы жарқын екенін, экономикалық құндылығы жоғары экологиялық тұрғыдан тиімді жоба болатынын алға тартып отыр. Бұл жайында islam.kz порталы Yabiladi ақпарат көзіне сілтеме жасай отырып мәлім етеді.  Мароккодағы тоқыма қалдықтарын өңдеу саласы Халықаралық қаржы корпорациясының (IFC) жаңа есебіне сәйкес қосымша 1,9 миллиард доллар мөлшерінде жекеменшік капиталдан инвестиция тартып, 30 000-нан астам жұмыс орнының ашылуына ықпал етуі мүмкін. Бүкіл әлемдік банк тобының мүшесі және дамушы нарықтарда жекеменшік секторға бағытталған әлемдегі ең ірі даму институты ретінде IFC зерттеуі Мароккодағы тоқыма айналымы бағдарламасы аясында жүргізілген пилоттық жобалардың тоқыма қалдықтарын қайта өңдеудің техникалық және коммерциялық тұрғыдан өміршең екенін көрсетті. Есепте пилоттық бағдарлама бастапқы көрсеткіштерді екі еседен асырып, 427 метрлік тонна тоқыма кесінділерін жаңа өндірістік материалдарға айналдырып, тағы 2 400 тоннасын өңдеуге бөлінгені айтылған. Құрамында қайта өңделген материалдар кезлесетін маталар барлық сынақ көрсеткіштері бойынша коммерциялық сапа стандарттарына сәйкес келді және сапа немесе өнімділікке нұқсан келтірмей жеткізу тізбегіне қайта интеграциялануы мүмкін. Өмірлік циклді бағалау нәтижесі қайта өңделген материалдарды пайдалану өз кезегінде амосфераға бөлінетін көміртегі қалдықтарын шамамен 18% -ға қысқартып қана қоймай, сонымен қатар, әдеттегі өндіріс процесімен салыстырғанда су тұтыну деңгейін 60% -дан астам төмендетуі мүмкін екенін көрсетті. IFC Марокконың тоқыма қалдықтарын жинаушылардың 80% -дан астамының бейресми секторда жұмыс істейтінін атап өтіп, осы мүмкіндіктердің едәуір бөлігі құн жасау тізбегінің төменгі жағындағы жұмысшыларға пайда әкелетінін алға тартып отыр. Аталмыш бағдарлама аясында жүргізілген зерттеу нәтижесі көрсеткендей, бұл жобаның арқасында қызметкерлердің 75% -ы тиісті институционалды шаралардың қолдауымен бес жыл ішінде формалды экономикаға көшуі мүмкін. Мұндай ілгерілеу айналмалы экономиканың негізін нығайтуға көмектеседі. Бұл тарапта тоқыма кесінділерін қалдықтар ретінде емес, өнеркәсіптік жанама өнімдер ретінде қайта жіктеуді, брендтерге осы материалдарға меншік құқығын жергілікті өндірушілерге беруге мүмкіндік беретін кедендік қағидаларды реформалауды, өнімнің цифрлық паспорты бойынша Еуропалық Одақтың алдағы талаптарына сәйкес келу үшін өнімді қадағалаудың ұлттық платформасын құруды талап етеді, сондай-ақ, өңделген талшықтардың экспортына тәуелділікті төмендету үшін отандық жіп иіру өндірісіне инвестиция тартуды қамтиды.  Еуропалық одаққа Мароккодан тоқыма бұйымдарының 93% -ы экспортталады