Өсімдік түрлеріне аллергиясы бар адамдарды денсаулығын күтуі үшін жоспардан тыс ақылы демалысқа шығару туралы ұсыныс айтылды. Бұл жайында islam.kz порталы ресейлік «Жаңалықтар» ақпарат агенттігіне сілтеме жасай отырып мәлім етеді. Дәлірегі, Ресей Федерациясының мемлекеттік думасының денсаулық сақтау жөніндегі комитетінің жетекшісі Сергей Леонов осындай бастама көтерді. Ресейлік депутаттың айтуынша, жұмысқа шықпай үйінде күтінген адамның аллергиядан зардап шегу қатері азаяды. Бұдан бөлек, аллегриясы бар адамдардың жұмысына алаңдамай, өсімдіктердің гүлдеу маусымы аяқталған немесе гүлдеу маусымы әлі басталмаған жаққа кетуіне мүмкіндік беріледі.