БҰҰ-ға мүшелік жарна төлемеген 15 ел дауыс беру құқығынан айырылды. Бұл туралы Біріккен Ұлттар Ұйымының Бас хатшысы Пан Ги Мун Бас Ассамблеяға хабарлаған. Төлем жасамаған мемлекеттер арасында Ливия, Доминикан Республикасы, Сент-Винсент және Гренадиндер, Бурунди, Бахрейн және Мали бар. Венесуэланың қарызы 3 миллион долларға жетті. Берешегі бар елдердің бірінен саналған Иран мүшелік жарнаны соңғы сәтте төлеген. Бірақ Біріккен Ұлттар Ұйымы қарызға белшеден батқан Йемен, Сомали, Комор аралдары, Гвинея-Бисау мен Сан-Томені саяси және экономикалық ауыр жағдайларына байланысты дауыс беру құқығынан айырмаған.