1) Сахаба Әнәс ибн Мәликтен жеткен сахих бір хадисте Алла елшісі (оған Алланың игілігі мен сәлемі болсын) былай деген:
سبعٌ يجري للعبدِ أجرُهنَّ وهو في قبرِه بعد موتِه
"Жеті нәрсенің сауабы пенде өлгеннен кейін қабірінде жатса да барып тұрады:
- من علَّم علمًا - Ілім-білім үйреткен адамға, үйреткен ілімінің сауабы;
- أو كرى نهرًا - Су жүргізген (немесе арық қазған) адамға, қазған суының сауабы;
- أو حفر بئرًا - Құдық қазған адамға, қазған құдығындағы судың сауабы;
- أو غرس نخلًا - Құрма ағашын (жеміс ағашын)отырғызған адамға, отырғызған жемісінің сауабы;
- أو بنى مسجدًا - Мешіт соққан адамға, мешіттің сауабы;
- أو ورَّثَ مصحفًا - Құран кітабын мұра етіп қалдырған адамға, Құранның (оқығанның) сауабы;
- أو ترك ولدًا يستغفرُ له بعد موتِه - Артына ол үшін өлгеннен соң жарылқау тілеп тұратын ұрпақ қалдырған адамға, баласының жасаған дұғаларының (намаздарының, сауапты істерінің, оқыған Құран, берген садақасының) сауабы барып тұрады». («Ибн Хиббән»; Имам Бәйһәқи, «Шуъабуль Иман». Сахих хадис).
2) Сахаба Әбу Һурайрадан (Алла оған разы болсын) жеткен сахих хадисте, Пайғамбырмыз (оған Алланың игілігі мен салауты болсын) былай деген:
إنَّ مِمَّا يلحقُ المؤمنَ من عملِهِ وحسناتِه بعدَ موتِه
«Мүмін пенденің өлгеннен кейін де сауабы барып тұратын амалдары мен ізгіліктері келесідегідей:
- عِلمًا علَّمَه ونشرَه - оқытқан және жайған ілімінің сауабы;
- وولدًا صالحًا ترَكَه - артында қалдырған салиқалы ұрпақтың сауабы;
- ومُصحفًا ورَّثَه - мұра қылып қалдырған Құран кітаптың сауабы;
- أو مسجِدًا بناهُ - тұрғызған мешіттің сауабы;
- أو بيتًا لابنِ السَّبيلِ بناه - жол баласына (жолаушыларға) арнап соққан үйдің сауабы;
- أو نَهرًا أجراهُ - жүргізген өзенінің сауабы (су жүргізсе, арық қазса мысалы);
- أو صدَقةً أخرجَها من مالِه في صِحَّتِه وحياتِه - тірі кезінде, денісау кезінде мал-дүниесінен бөліп берген садақасының сауабы - өлгеннен кейін де барып тұрады». (Ибн Мәжә, «Сүнән». Сахих Хадис).
А. Қасым.
