Құрметті Марфуға, Кәфәрәт қазасын қажет етуі үшін мынадай талаптар қарастырылады:

1.Ораза ұстауы парыз болу; 
2.Абайсызда емес, әдейі, ешкімнің мәжбүрлеуінсіз оразасын бұзуы;
3.Сырқаттық сияқты зәру жағдайдың болмауы;
4.Ораза ұстауға түннен ниет етуі[1].

Енді сіздің сұрағыңызға келер болсақ, құрбыңыз ұстамаған бір күнін Рамазан айынан кейін тек қаза етіп өтейді, 60 күн кәфәрәт қазасы қажет етілмейді. Өйткені бірінші күні ораза ұстауға ниеті жоқ еді[2].  Алайда оразаны себепсіз уақытында бастамау күнә екендігін білген жөн. Рамазан айы кірісімен ауыз бекіту - әрбір балиғатқа жеткен, ақыл-есі дұрыс, мұсылман, дені-сау кісіге - парыз.