Ассаләлумғалейкум! Менің қойғым келетін сұрағым: 1) Намаз оқығанда жеңі қысқа футболка немесе жейдемен оқысам мәкрук амалға жатпай ма? 2) Шұлықсыз намаз оқу үкімі жайында түсіндіріп берсеңіз.
|
Намазды футболкамен оқуға бола ма?
|
Уағалейкумуссәләм уә рахматуллаһи уә бәракәтуһ!
Құрметті сауал қоюшы, көпшілік Ислам ғұламалары жеңді түріп оқудың «тәнзиһән мәкруһ» болатындығын айтқан. Кей Ханафи ғалымдары шынтаққа дейін түрудің өзін мәкруһ санаса, кей ғалымдар шынтақтан жоғары қайырып оқуды мәкруһ деген.
Мәлики мәзхабы ғалымдарынша жеңін намаз үшін түрсе ғана мәкруһ болмақ. Ал «киімінің өзі сондай болса немесе бір шаруамен қолын түріп, сосын намаз уақыты келіп қалып, сол күйінше оқыса, ол мәкруһ болмайды» дейді Мәлики ғалымдары[1].
Осындағы «киімнің өзі сондай болса...» деген сөзден футболка сияқты немесе жеңі қысқа жейде сияқты өздігінен қысқа киімдерді киіп намаз оқудың мәкруһ еместігін ұғуға болады. Демек, футболкамен немесе жеңі қысқа көйлекпен намаз оқу мәкруһ емес.
[1] Мұхаммед Әмин: «Мүзәккиротуль Фиқһиль Мәлики». 90 бет.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Іштегі жаман ойлар жазыла ма?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Жаңа жыл қарсаңындағы жеңілдіктерді (скидка) пайдалануға бола ма?
■
Халал ақша бар төлем картасына харам ақша араласса, ол картаны қолдануға бола ма?
