Намаз оқып тұрғанда барынша жөтелмеуге тырысып баққан жөн. Еріксіз жөтел қысып, жөтелуге мәжбүр болса, онысы үзір саналады, намазды бұзбайды. «Ал үзірсіз және жөтелуге мәжбүрі болмаса да жөтеліп, жөтелгендегі дыбысынан әріптер құралса, ол намазды бұзады» делінген кітаптарда¹. Өйткені, ондай жағдайда (әріптер шыққан жағдайда) адам сөзі есебінде болмақ. Ал адамның сөзі намазды бұзады. Сол себепті, барынша жөтелін тойтарған абзал, еріксіз жөтелсе, оған кешірім бар.

¹Имам Тахтауи: «Хәшияту Тахтауия аля Мароқил Фәләх». Намаз әдептері.