Әссәләму уа алейкум уа рахматулаһи уа баракатуһ! Сұрақ: киімге жылқы малынын құлағына таңба салу мақсатында кескенде киіміме қан жағылса, ол нәжіс болып санала ма? Намаз оқуыма кедергі келтіре ме? Қан жағылғанын ұмытып кетіп, оқыған намазым қаза болып санала ма? Ғали.
|
Киімге қан жағылса, намазға қаншалықты зияны бар?
|
Уағалейкумуссәләм уә рахматуллаһи уә бәракәтуһ!
Шариғатта қан – «үлкен нәжістер» қатарынан саналатындықтан, киімге немесе дененің бір жеріне жағылған жағдайда, жағылған жерді жуып тастау керек немесе киім ауыстыру керек.
Сіздің жағдайға келер болсақ, киіміңізге жағылған қанның көлемі - егер алақан ойығындай көлемде болса оқыған намазыңыз саналмайды. Ал одан аз көлемде болса, оқыған намазыңыз есептеледі.
Осы тұрғыда, қан шашыраған болса не істемек керек?
Ол кезде қараймыз: шашыраған қандарды көз өлшеммен топтастырғанда, егер алақан ойығындай көлемге жететіндей болса, намазға кедергі, одан аз болса, намазға кедергі емес, оқыған намазыңыз саналады.
("Алақан ойығы" дегеніміз, шамамен темір елу теңгенің көлеміндей).
Өзекті сұрақтар
■
Біреудің сәлемін алғанда, естірмей жауап берсе бола ма, әлде естіру керек пе?
■
Намазда рүкуға барғанда зам сүрені оқуды ұмытып кетсек, не істеуге болады?
■
Әйелім баптист дінінде екен. Некеміз не болады?
■
Сәжде аятын қазақша мағынасынан оқыса да сәжде жасау керек пе?
■
«Шот-фактураға» артығымен көрсетіп, артығын өзім алсам бола ма?»
