Ассалямуалейкум ұстаз! Әйел адам өз табысын отбасына, балаларына жұмсаса, садақа болып есептеліп, сауабы бола ма?
|
Әйел адам өз табысынан отбасына жұмсап тұрса, сауабы бар ма?
|
Әлхамдулилләһ. Уассәләту уәссәләму аля Расулилләһ!
Уағалейкумуссәләм уә рахматуллаһи уә бәракәтуһ!
Құрметті сауал жолдаушы, Пайғамбарымыз (с.а.у.) өзінің бір хадисінде:
«Мұсылман адам сауап үшін өзінің отбасының нәпақасын қамтамасыз етсе (нәпақасына ақша жұмсаса), онысы ол үшін садақа болып есептеледі» - деген1.
Аталмыш хадис негізінен алып қарағанда отағасына қарасты айтылса да, сауап үшін үйдің керек-жарағына, ішім-жеміне ақша жұмсаған әрбір жанұя мүшесін де қамтиды. Сондықтан да, отанасы егер тапқан табысынан үйге немесе балаларына бір нәрсе алып жатса, онысы оған садақа болып жазылады.
Әлхамдулилләһи Раббиль аләмин!
1 Имам Бұхари, «Сахих Бұхари».
