Ассаламуғалейкум уа рахматуллаһ! Телефонның бетіне нәжіс тиіп, кеуіп кетсе, қалай кетіреміз?
|
Ұялы телефонға нәжіс тисе, оны қалай тазартсақ таза саналады?
|
Уағалейкумуссәләм уә рахматуллаһи уә бәракәтуһ!
Айна, әйнек, орындық сияқты беті жылтыр, тегіс әрі су сіңдірмейтін заттарға нәжіс тисе, оны дымқыл шүберекпен сүртіп тазартуға болады делінген[1]. Өйткені, мұндай жылтыр әрі қатты заттарға нәжіс тиген жағдайда нәжіс сіңбей заттың бетінде тұрақтайтындықтан сүрту арқылы нәжістің көзін жою жеткілікті саналған[2]. (Бірақ, пышаққа нәжіс тиген жағдайда, оны жуу шарт дейді Имам Мұхаммед).
Сондықтан да, ұялы телефоныңызға нәжіс тиген жағдайда ол жерді үш рет дымқыл шүберекпен сүртіп тазалауыңыз жеткілікті, жуудың қажеті жоқ.
[1] Ибн Ғабидин: «Раддуль Мұхтар». 1/511 бет; Бәдруддин ал-Айни: «әл-Бинәя». 1/718 бет; "әл-Фәтәуә әт-Тәтәрхания".
[2] Жылтыр әрі тегіс делінуінің себебі: егер жылтыр болмай тат басқан болса немесе тегіс болмай оюлы, нақышты болса, яки, тесіктер бар болса, оларды тазалау үшін сүртіп қана қою жеткіліксіз делінген.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Іштегі жаман ойлар жазыла ма?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Жаңа жыл қарсаңындағы жеңілдіктерді (скидка) пайдалануға бола ма?
■
Халал ақша бар төлем картасына харам ақша араласса, ол картаны қолдануға бола ма?
