Бисмилләһир рахманир рахим

Ислам ғалымдарының басым көпшілігі (Ханафи, Шәфиғи, Ханбали) доңыздың қылын, жүнін, сүйегін т.б. ағзаларын пайдалануды харам деп есептеген, өйткені доңыздың тұла бойы нәжіс боп есептеледі. Сол себепті, қылының өзін қолдану харам. Тек теріден әртүрлі бұйым тігушілерге (Хараз) мәжбүрлік себепті, доңыздың қылын қолдануды рұқсат деп таныған. Мәжбүрлік болмаса, оларға да қолдану харам¹. Көпшілік ғалымдардан бөлек Мәлики ғалымдары қырқылып алынған доңыз жүнін қолдануды мубах санайды, ал жұлынған қылын, жүнін харам санаған.

Осыған қарағанда, көпшілік ғалымдар бойынша доңыздың қылынан жасалған щетканы қолдану харам. Ал Мәлики мәзхабы бойынша, қырқылып алынған болу шартымен доңыз жүнінен, қылынан жасалған щеткаларды пайдалануға болады². 

Ең дұрысы – Аллаға мәлім!