Ассалаумағалейкум! Балық аулау мәселесін сұрайын дегем: ау салып, ертеніне ауды суырғанда кейбір әлсіз балық түрлері (мысалы көк серке) ауға түскеннен кейін көп ұзамай өледі. Соның үкімін айтсаңыздар, желінеді ме? Құрбан Елеуов
|
Өлген балықты жесе бола ма?
|
Уағалейкумсалам!
Пайғамбарымыз (с.а.у.) «Бізге балық пен шегірткенің өлігі халал етілді...»[1], - дей келе балықты өлген жағдайда да жеуге болатындығын айтуда.
Бірақ, басқа бір хадисте: «...Өзенде (өзі) өліп, су бетіне қалықтағанды жемеңдер»[2], - дей келе сыртқы себептің салдарынан емес, өзімен-өзі өлген балықты жеуден тыйып отыр. Осы хадиске сүйеніп Сахаба Жәбір ибн Абдулла, Абдулла ибн Аббас, ғалым табиғин Таус жəне Әбу ханифа (Алла олардан разы болсын): «Ажалы неден болғаны белгісіз өзінен-өзі өлген балықты жеуге болмайды», - деген[3]. Өйткені қандай да бір сыртқы себепсіз өлген балық ауру болуы ықтимал.
Ал, белгілі бір себептің салдарынан өлген балықты жеуге рұқсат. Белгілі себепке мыналарды жатқызсақ болады: Ауға түсуі, толқынның жағаға шығаруы, жарақаттануы, мұзда қатуы, қармаққа түскеннен кейін сусыздықтан өлуі т.б. .
[1] Әл-Байхақи: әс-Сүнәнул Кубра – ас-сайд уәз зәбаих - 18418 хадис.
[2] Әбу Дәуід - №3815 хадис. (Ъаунул маъбуд 3815- хадис түсіндірмесі)
[3] Әл-Бахрур Раиқ: Китабуз зәбәих (әклул әрнаб)
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Іштегі жаман ойлар жазыла ма?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Жаңа жыл қарсаңындағы жеңілдіктерді (скидка) пайдалануға бола ма?
■
Халал ақша бар төлем картасына харам ақша араласса, ол картаны қолдануға бола ма?
