Сәлеметсіздер ме! Осы сұрақ мені әрдайм мазалайды. Бес айында шетінеген қызым болып еді. Намазымның соңында, Құран оқып әруақтарға бағыштағанымда еріксі тіліме қызымның есімі келіп, атап отырамын. Бірақ ол періште ғой. Соным дұрыс па, әлде бұрыс па көз жеткізіп беріңіздерші! Ұ.Т.
|
Жастайынан қайтыс болған балаға Құран бағыштала ма?
|
Сәлеметсіз бе! Жастайынан шетінеген немесе қайтыс болған балалардың орны жәннат екендігі хадистерде айтылады[1]. Олар - күнәсіз. Тіпті жаназа дұғасы оқылғанда да ол үшін Алладан кешірім тілемей, оның орнына былай деп дұға етіледі:
«Аллаһуммәж’алһу ләнәә фәрәтан уәж’алһу ләнәә әжрән уә зухрән уәж’алһу ләнәә шаафи’ан уә мушаффа’ан».
Мағынасы: «Аллаһым! Бұл баланы жәннатта бізді қарсы алушы және ақырет сыйы ет! Аллаһым! Бұл баланы бізге шапағатшы ет және шапағатын қабыл ет!».
Сондықтан да, әдетте жас кезінде қайтыс болған балаға Құран бағышталмайды. Бірақ, бағыштаған кісіге де күнә жоқ. Мәселенки, ардақты Пайғамбарымыздың мекені пейіш екендігіне қарамастан, Құран оқыған кезде Оның да (с.а.у.) рухына Құран сауабын бағыштап жатамыз.
[1] Асқалани, Фатхуль Бари, 1317-хадис түсіндірмесі. Хасан Хадис.
Өзекті сұрақтар
Көп оқылғандар
■
Хатым Құранды соңына дейін қалай аяқтауға болады, екі-үш парадан кейін тастап қойып жатырмын?
■
Іштегі жаман ойлар жазыла ма?
■
Қайтыс болған адамның қырқын қалай есептейді: жамбасы жерге тиген күннен бастап па, әлде қайтыс болған күннен бастап па?
■
Жаңа жыл қарсаңындағы жеңілдіктерді (скидка) пайдалануға бола ма?
■
Халал ақша бар төлем картасына харам ақша араласса, ол картаны қолдануға бола ма?
