Пейіште түн бола ма?
Пейіште түн бола ма?
2 жыл бұрын 3294

Жұмақта күндіз, түн деген уақыттар бола ма? Алдияр Ибрагим

Жұмақта күндіз және түн деген сәттер болмайды. Пейіш әрдайым нұрланып тұрады. "Жәннәттағылар әрдайым нұр ішінде болады" дейді тәпсірші ғалымдар. Ал пейіштегі түнгі бөлік бейнебір шымылдықтың түсірілуімен білінсе, күндізгі бөлігі перденің көтерілуімен білінеді дейді олар. Имам Нәсәфи былай дейді:

«Ол жақта түн де, күндіз де болмайды. Пейіштегілер әрдайым нұр ішінде болады. Олар күндізгі мөлшерді перденің көтерілуімен, ал түннің мөлшерін перденің түсірілуімен біліп отырады»1.

1Имам Әбу Бәрәкәт ән-Нәсәфи: «Мәдәрикут Тәнзил». Мариям сүресі, 62 аят тәпсірі; Имам Бәғәуи: «Тәфсируль Бәғәуи», «Мариям сүресі, 62 аят тәпсірі; Құртуби тәпсірі, Мариям, 62 аят тәпсірі.

Абдусамат Қасым