Ассаламуғалейкум! Қыздарға құлақты тесуге болмайды дейді. Құлағын тесетін болса, ана дүниеде жылан теседі екен. Сол қаншалықты рас? Ашып айтып берсеңіздер! Фариза Ш.
|
О дүниеде жылан құлақ теседі ме?
|
Уағалейкумсалам!
Құрметті Фариза, әйел баласына құлақ тесіп, сырға тағуға дініміз рұқсат етеді. Деректерге қарағанда Пайғамбарымыз (с.а.у) бір күні әйелдерге тәлім-тәрбиеге қатысты уағыз айтады да, артынан оларға садақа берулерін бұйырады. Әйелдер бұйрықты екі етпей, құлақтарындағы сырғалары мен қолдарындағы сақиналарын шешіп, садақа етіп береді[1]. Осы хадиске қарасақ, Пайғамбарымыздың заманында да әйелдер құлақтарына сырға, қолдарына сақина тағатын. Құлақ тесіп, сырға тағу күнәлі іс болған болса, дініміз көп кешіктірмей-ақ ол әрекеттен тыйяр еді.
Ендеше «о дүниеде жылан құлағын теседі» деу бекер сөз.
[1] Сахих Бухари: Китабул ъилм – Бәбу ъизатиль имам ән-нисә - №98 хадис. (Фатхул бари)
Өзекті сұрақтар
■
Ваннаға «су толтырып» ғұсылданса, ғұсыл санала ма?
■
Үзір иесі намаз оқып жатқанда уақыт шығып кетсе, не істейді?
■
Контробандалық жолмен тауар алып келіп сатудың Исламда үкімі қалай?
■
Пайғамбарды түсінде көрген адамдар да «сахаба» болып есептеле ме?
■
Жатыр түтігін байлату: шариғат бұған не дейді?
