"Сергек" камерасының қандай заңбұзушылықты анықтай алмайтыны белгілі болды. Мал ұрлағандар енді 12 жылға дейін бас бостандығынан айырылады
"Сергек" камерасының қандай заңбұзушылықты анықтай алмайтыны белгілі болды. Мал ұрлағандар енді 12 жылға дейін бас бостандығынан айырылады
7 ай бұрын 617

"Сергек" аппараттық-бағдарламалық кешені Алматыда жыл басынан бері іске қосылды. Бұл оқиға көлік жүргізушілері тарапынан қызу талқыланған болатын. Тұрғындарды бұл камералардың қандай заңбұзушылықтарды анықтай алмайтыны қызықтырып отыр. Сондай-ақ, әлеуметтік желіде түскен айыппұлдың қайда кететіні талқыланып жатыр. Бұл жайында politic.bugin.kz ақпарат көзі sputniknews.kz порталына сілтеме жасай отырып мәлім етті. 

"Айыппұлдан түскен қаражатты белгісіз біреулер алады"

Қате пікір. Бюджет кодексінің 50-ші және 51-баптарына сәйкес, айыппұлдан түскен қаражат бюджетке түседі. Тиісінше, қалада тіркелген айыппұл қала бюджетіне беріледі.

"Сергек" сақтандыру болмаса, айыппұл салады

Қате пікір. Сақтандыру болмағаны үшін полиция инспекторы ғана айыппұл сала алады. Мәліметтер базасын интеграциялаудың арқасында бұл ақпарат полицейлердің планшеттеріне түседі.

"Сергекті" шетелдіктер құрастырды

Қате пікір. Құрылғының бағдарламалық қамтуы мен алгоритмдерін қазақстандық IT мамандар әзірлеген. Өнімнің құрастырушысы -  "Көркем Телеком" компаниясы.

"Сергек" кез келген көлікті таба алады

Дұрыс. "Сергек" жүйесінің функционалы жедел алдын алу шараларын өткізіп, іздеудегі, алимент немесе айыппұл төлеуден жалтарып жүрген жүргізушіні таба алады. Бұдан бөлек, "Сергек" жалған немесе шетелдік нөмірмен жүрген көліктерді де анықтайды.

"Сергек" айыппұлды автоматты түрде жібереді

Қате пікір. Сергек жол ережесінің бұзылуын автоматты режимде тіркейді. Бұдан соң мәліметтер процессингтік орталыққа жіберіледі. Ол жерде ақпаратты полиция инспекторы қарап, электронды-цифрлық қолтаңбамен бекітеді. Тек осыдан кейін ғана айыппұл жүргізушіге жіберіледі.

"Сергектің" сертификаттары жоқ

Қате пікір. "Сергек" жүйесін құрастырған компания Ұлттық қауіпсіздік комитетінің мемлекеттік техникалық қызметінің аттестациясынан өтеді. Демек, Сергек сертификатталған құрылғы, мемлекеттік тізімге енгізілген.

Қауіпсіздік белдігін тақпағаны және телефонмен сөйлескені үшін айыппұл салады

Қате пікір. Мұндай заң бұзушылықтар үшін айыппұлды автоматты түрде салуға болмайды. Мұны көлікті тоқтатқан полиция инспекторы ғана істей алады. "Сергек" жылдамдықтың артуы, жол белгілеріне қатысты талаптардың орындалмауы, қоғамдық көлік жолымен жүру сынды ереже бұзуды тіркейді.

"Сергек" тек жол ережесін бұзуды тіркейді

Қате пікір. "Сергек", ең алдымен, қоғамдық қауіпсіздікке жауап береді. Елорда, Өскемен және Атыраудағы жобалардың дені өзге камералармен интеграцияланған. Камералардағы барлық ақпарат қаладағы бақылау орталықтарына жіберіледі. "Сергек" мектеп маңында, аулаларда, сауда орталықтары және вокзалдарда да орнатылған.  

"Сергек" адамның түрін анықтайды

Қате пікір. Техникалық тұрғыдан мамандар мұндай функционал жасай алады. Алайда адамның түрін анықтау заңнама тұрғысынан реттелмеген. Мұндай тәжірибе "Сергекте" қолданылмайды.

Еске сала кетсек, Алматыда 400 камера ресми іске қосылған кезден бастап 2 564 жол ережесін бұзу фактісі анықталды. Жалпы сомасы 42 010 397 теңге айыппұл салынған.

Мал ұрлағандар енді 12 жылға дейін түрмеге кетеді 

ҚР Қылмыстық кодексіне енгізілген өзгертулерге сәйкес мал ұрлығына күдіктілер Қазақстан Республикасы Қылмыстық кодексінің 188-1 бабы - мал ұрлығы бойынша қылмыстық жауапқа тартылатын болады, деп жазады ernur.kz порталы zakon.kz ақпарат көзіне сілтеме жасай отырып. 

Айта кетейік, қазір мал ұрлығы үшін жаңа бап бойынша - мал ұрлығы: - 3 мың АЕК мөлшерінде айыппұл немесе 5 жылға дейін бас бостандығынан айыру, мүлкін тәркілеу қарастырылған. - Қайталанған мал ұрлығы, мүлкін тәркілеумен 5 жылдан 10 жылға дейінгі мерзімге бас бостандығынан айыруға әкеп соғады және жәбірленушімен татуласу арқылы жауапкершіліктен жалтару мүмкіндігін жоққа шығаратын ауыр қылмыс деп танылады.

Қылмыстық топ жасаған мал ұрлығы үшін, аса ірі мөлшерде, мүлкі тәркіленіп, 7 жылдан 12 жылға дейін бас бостандығынан айыру жазасы қарастырылған.

0 пікір
Мұрағат