Аталмыш жиналыста Алтынбек Ұтысханұлы ҚМДБ-ның төрағасы Бас мүфти Ержан қажы Малғажыұлының тапсырмасымен «Жалпы жəне жастар ісі» бөлімнің жанынан «Əйелдер-қыздар» секторы ашылғандығын және сектор меңгерушісі болып «Әзірет Сұлтан» мешітінің ұлағатты ұстазы Тілегенова Ақбөпе Қанатқызының тағайындалғанын жеткізді.

Ақбөпе Қанатқызы 1980-жылы 30-қыркүйекте Жамбыл облысы, Мойынқұм ауданы, Фурмоновка ауылында дүниеге келген.

2002-жылы Халықаралық Қазақ-Араб университетін дінтану және араб тілі мамандығы бойынша үздік дипломмен бітірді.

2002-жылыТүркия Республикасына дінтану мамандығы бойынша білім мен біліктілікті жетілдірген.

2002-2005 жж. «Халықаралық қазақ-араб» университетінде оқытушы;

2005-2007 жж. Алматы қаласындағы қыздар медресесінде оқытушы;

2007-2009 жж. ҚМДБ-ның «Шымкент» медресесі қыздар бөлімінің меңгерушісі;

2009-2010 жж. «Қазақстан – 2030» жастарды қолдау қорына қарасты орталықтың оқытушысы;

2009-2012 жж. ҚМДБ-ның «Нұр Астана» орталық мешітінің оқытушысы;

2012-2016 жж. ҚМДБ-ның «Әзірет Сұлтан» мешітінде оқытушы болып қызмет атқарып келеді.

2014-жылдан бастап Астана қаласы әкімдігінің жанынан құрылған Жергілікті ақпараттық-насихат тобының (ЖАНТ);

2015-жылдан бастап ҚР МСМ Дін істері комитеті жанынан құрылған Республикалық ақпараттық-насихат тобының (РАНТ) мүшесі.

14 жылдан бері оқу орындары мен медреселерде жүздеген кәсіби исламтанушы мамандарды дайындап, мешіттерде қыз-келіншектердің діни сауатын ашты. Көптеген халықаралық, республикалық ғылыми танымдық форумдар мен конференцияларға, семинарлар мен дөңгелек үстелдерге қатысып баяндамалар оқыды. Республикалық газет-журнал беттерінде, сайттарда ғылыми-діни танымдық мақалалары мен сұхбаттары жарық көрген.